Túlkibasta jańa shaǵyn aýdan quryldy
ASTANA. QazAqparat - Áleýmettik máseleler oń sheshimin tapqan OQO Túlkibas aýdanynda jyl ótken saıyn halyq sany artyp, shaǵyn aýdandar men jańa kósheler qurylýda.
Máselen, onyń biri T.Rysqulov aýylynyń shyǵys jaǵynda oryn tepken jańadan qurylǵan «Nurshýaq» shaǵyn aýdany. Jańa aýdanda bolǵan jergilikti ákim Q.Abdýalıev ondaǵy júrgizilgen ınfaqurylym jumystarymen tanysty.
Búginde munda jalpy quny 143 mln. 708 myń teńgege aýyz sý, jol men aıaq jol, gaz, elektr jaryǵy syndy kommýnaldyq qajettilikter jasalýda.
Nurshýaqtaǵy halyqpen kezdesýge aýdan ákimi Q.Abdýalıev, aýdandyq máslıhattyń hatshysy Ó.Matkerımov, Maılykent aýyldyq okrýginiń ákimi K.Jartybaev qatysyp, aýyl turǵyndarymen ózekti máselelerdi talqylady.
Sondaı-aq, T.Rysqulov aýylyna jumys saparymen barǵan aýdan ákimi ortalyq kóshedegi abattandyrý jumystaryn aralap kórdi. Uly Jibek jolynyń boıynda ornalasqan aýdan ortalyǵyn kóriktendirý úshin oblystyq bıýdjetten qarjy bólinip, jol boıynan gúlzarlar men tynyǵý oryndary, aıaq jol men ártúrli taqyryptaǵy kompozıtsııalar ornatý josparlanýda. Qurylys nysandaryn aralaǵan aýdan basshysy merdiger kompanııaǵa jumysty sapaly atqarý qajettigin aıtty, dep habarlaıdyOQO ákiminiń baspasóz qyzmeti.
