Túlkibasta úsh mektepte kúrdeli jóndeý jumystary júrgizilýde
TÚLKІBAS. QazAqparat – Túrkistan oblysy, Túlkibas aýdanynda úsh birdeı mektepte kúrdeli jóndeý jumystary júrgizilýde. Atqarylyp jatqan jumystarymen tanysý úshin aýdan ákimi Nurlan Baıǵut úsh mektepke arnaıy baryp, qurylysshylarmen kezdesti , dep habarlaıdy QazAqparat tilshisi.
«Jumyspen qamtý jol kartasy» baǵdarlamasy aıasynda kúrdeli jóndeý jumystary júrgizilip jatqan bilim oshaǵynda ishki jáne syrtqy árleý jasalyp, elektr jáne dabyl qaǵý júıesi jańartylýda. Sondaı-aq, mektepke jańa jylý júıesi ornatylmaq.
Qurylys jumystaryn aralaǵan aýdan basshysy ǵımarattyń syrtqy kelbetin jańbyr men jelge tózimdi saıdnık materıalymen qaptaý qajettigin jáne mekteptiń artqy bóligindegi qorshaýyn jańartý kerektigin eskertti. Aýdandyq bilim bóliminiń basshysyna syrtqy qurylys jumystary bastalmaı turyp qaıta esepteý júrgizýdi tapsyrdy.
Al, A. Baıtursynov pen M. Lomonosov atyndaǵy mektepterde kúrdeli jóndeý jumystary sáýir aıynyń aıaǵynda bastalǵan bolatyn. Bul ǵımarattardyń jóndeý jumystaryna jergilikti turǵyndar tartylǵan. Tapsyrylǵan jumystar der kezinde aıaqtalsa, oqýshylar kelesi oqý jylyn jańarǵan mektep ǵımaratynda bastaıdy dep josparlanyp otyr.
