Túlkibasta «Táýelsizdik jyldary» atty jıyn ótti

Qazaqstan Respýblıkasy Táýelsizdiginiń 25 jyldyǵyna oraı «Uly Dala Eli Táýelsizdiktiń 25 negizi» is-sharalar aıasynda Ońtústik Qazaqstan oblysy Túlkibas aýdandyq mádenıet jáne tilderdi damytý jónindegi bóliminiń uıymdastyrýymen Azattyq aýyldyq mádenıet úıinde «Táýelsizdik jyldary» taqyrybynda dóńgelek ústel ótkizildi, dep habarlaıdy aýdan ákimdiginiń baspasóz qyzmeti.

Іs-sharanyń maqsaty - jastar arasynda táýelsizdik uǵymynyń qasıetti ekenin, Táýelsizdik jyldarynda jetken jetistikterimizdi, dáýleti men sáýleti jarasyp ósip kele jatqan táýelsiz memleketimizdiń basty tilegi halyq qamy úshin, jastar úshin jasalyp jatqany týraly túsindirý. Dóńgelek ústelde Túlkibas aýdanynyń qurmetti azamaty, zeınetker M.Mırkadırov sóz sóılep, óskeleń urpaqqa el tarıhyn tereńinen túsindirip, Táýelsizdik jyldarynda jetken jetistikterimiz týraly, bolashaqtyń kilti jastardyń qolynda ekenin aıtyp ótti.

Іs-shara barysynda tilderdi oqytý jáne damytý ortalyǵy dırektorynyń mindetin atqarýshy B.Sarmyshev, «Táýelsiz eldiń jastary», Táýelsizdik alǵan jyly ómirge kelip, Táýelsiz memleketimizben qatar ósip kele jatqan beıbit eldiń balasy Farhad Dýanabekov «Táýelsizdik jyldary» taqyrybynda baıandama jasap, baıandama sońynda «Táýelsizdikke tartý» atty jyr óleńin oqydy. Dóńgelek ústelge Naýaı atyndaǵy jalpy orta mektebiniń muǵalimderi, 10 synyp oqýshylary, aýdandyq mádenıet jáne tilderdi damytý jónindegi bóliminiń qyzmetkerleri qatysty.