Túlkibasta shaıhana ıesi sırek kezdesetin jyrtqysh qustardy zańsyz asyraǵan
TÚLKІBAS. QazAqparat - Túrkistan oblysynyń polıtseıleri shaıhana ıesinen jyrtqysh qustardy tárkiledi, dep habarlaıdy QazAqparat.
Túlkibas APB kezekshi bólimine tabıǵatty qorǵaý polıtsııasynyń ınspektory, polıtsııa maıory N. Muzdybaevtan Azattyq kentindegi shaıhanadan sırek kezdesetin jyrtqysh qustarǵa uqsas birneshe qus tabylǵany týraly habarlama kelip tústi.
Oqıǵa ornyna kelgen Túlkibas aýdandyq polıtsııa qyzmetkerleri sháıhananyń ıesi 6 qusty ǵımarattyń aýlasynda zańsyz torda ustaǵanyn anyqtady. Aıǵaq retinde alynǵan 6 qus saraptamaǵa jiberildi. Nátıjesinde bul qustar kezquıryq jáne jaǵaltaı ekendigi anyqtaldy.
Atalǵan jaıt QR ÁQBtK 389-baby boıynsha tirkelip, ákimshilik hattama toltyryldy. Jınaqtalǵan is qujattary sheshim shyǵarý úshin sotqa joldanady.
