Túlkibasta salynyp jatqan 6 turǵyn úıdiń 3-eýi aıaqtalýǵa jaqyn
TÚLKІBAS. QazAqparat - Túrkistan oblysy, Túlkibas aýdanynyń ortalyǵynda kópqabatty turǵyn úılerdiń qurylysy qarqyndy júrgizilip jatyr. Búginde jańadan boı kóterip jatqan alty turǵyn úıdiń 3-eýi aıaqtalýǵa jaqyn, dep habarlaıdy QazAqparat tilshisi.
Aýdan ortalyǵynda «Nurly jer» memlekettik baǵdarlama aıasynda soǵylyp jatqan 24, 32 jáne 64 páterlik 6 úıde qurylys jumystary toqtaýsyz júrip jatyr. Qurylysshylar jaqyn kúnderi 64 páterlik úsh turǵyn úıdi tapsyrýdy josparlap otyr. Sonymen qatar, Sastóbe kentindegi 64 páterlik kópqabatty turǵyn úı qurylysyn júrgizý maqsatynda aýdan ákimdigi tarapynan tolyq qujattar daıyndalyp, memlekettik satyp alý konkýrsy da jarııalandy. Merdiger mekeme anyqtalǵan jaǵdaıda qurylys jumystary bıyldan qalmaı iske asady. Búgin aýdan ákimi Nurbol Turashbekov jańadan salynyp jatqan baspanalardyń qurylys barysymen tanysyp, sapasyn tekserdi.
Aıta keteıik, ótken jyldyń sońynda aýdan boıynsha jalpy turǵyn úı kezeginde turǵan 158 januıaǵa jańa páter kiltteri tabystalǵan bolatyn. Búgingi tańda turǵyn úı alýǵa ótinish bergen azamattardyń suranystaryn qanaǵattandyrý maqsatynda júıeli túrde baspanalar salyna bastady.
