Túlkibasta memlekettik qyzmetterdi jetildirý máseleleri talqylandy

TÚLKІBAS. QazAqparat – Túrkistan oblysy Túlkibas aýdany ákimdiginde kórsetiletin memlekettik qyzmetterdi jetildirý taqyrybynda semınar ótti, dep habarlaıdy QazAqparat tilshisi.

Aýdan ákimi Nurbol Turashbekovtyń tóraǵalyǵymen ótken jıynǵa QR Memlekettik qyzmet isteri agenttiginiń Túrkistan oblysy boıynsha departament basshysy, ádep jónindegi keńes tóraǵasy Bolat Isaqov, Memlekettik qyzmetti basqarý jáne baqylaý basqarmalarynyń basshylary, aýdan ákimi apparatynyń qyzmetkerleri, derbes bólim basshylary, aýyldyq okrýg, kent ákimderi, mektep dırektorlary men balabaqsha meńgerýshileri jáne BAQ ókilderi qatysty.

Semınardyń kún tártibinde QR Prezıdentiniń Qazaqstan halqyna Joldaýynyń talaptaryn júzege asyrý, Joldaýt aıasynda departamenttiń negizgi fýnktsııasy, keleli máseleleri, Túlkibas aýdany ákimi apparatynyń ádep jónindegi ýákiliniń atqarǵan jumystary jáne memlekettik qyzmetti ótkerý máseleleri qaraldy.

Jıynda Memlekettik qyzmet isteri agenttiginiń Túrkistan oblysy boıynsha departament basshysy ádep jónindegi keńes tóraǵasy Bolat Isaqov Memleket basshysy Q.Toqaevtyń Qazaqstan halqyna joldaýynyń basym baǵyttaryna toqtalyp, joldaýdaǵy talaptardy iske asyrý boıynsha atqarylýy tıis mindetterdi atap ótti.

Kún tártibindegi kelesi másele boıynsha Túlkibas aýdany ákimi apparatynyń ádep jónindegi ýákili Qýatbek Erkebaev aýdan ákimi apparatyndaǵy bólim, aýyldyq okrýgter men kentter ákimdik apparatynyń memlekettik qyzmetshileriniń ádep normalaryn ustaný baǵytyndaǵy atqarylyp jatqan jumystary jaıynda baıandama jasap, aldaǵy jumys josparymen bólisti.

Semınar memlekettik qyzmetti basqarý jáne baqylaý basqarmalary basshylary uıymdastyrǵan plenarlyq keńeske ulasty.