Túlkibasta Mekemtas Myrzahmetulynyń shyǵarmashylyq úıi ashyldy
TÚLKІBAS. QazAqparat – Túrkistan oblysy, Túlkibas aýdanynda jazýshy ǵalym Mekemtas Myrzahmetulynyń shyǵarmashylyq úıi ashyldy, dep habarlaıdy QazAqparat tilshisi.
Toqsan jastan asqan jazýshyǵa jerlesteri týǵan jeri Maıtóbe aýylynan shyǵarmashylyq úıin salyp, tartý etti. Bul úı aýdan ákimi Nurbol Turashbekovtyń tikeleı bastamasymen demeýshiler esebinen boı kóterdi. Bes bólmeden turatyn shyǵarmashylyq úıi zaman talabyna saı jabdyqtalyp, aýmaǵy abattandyrylǵan.
Saltanatty jıynda aýdan basshysy ǵylym salasyna ólsheýsiz úles qosqan Mekemtas Myrzahmetulyna sheksiz rızashylyǵyn bildirip, úıdiń kiltin tabys etti.
«Eshkim de Eńbek Eri bolyp týmaıdy. Abyroı da, qurmet te eńbekpen keledi. Árkim – óz dáýiriniń perzenti. Óz zamanynyń talabyna ózinshe ún qosady, eńbegin arnaıdy. Halqynyń baqyty úshin kúndiz-túni tynbaı, elge qyzmet etken Mekemtas aǵamyz baqytyn ǵylymnan tapqan azamat. Uly aqyn Abaı Qunanbaev pen dańqty qolbasshy Baýyrjan Momyshulynyń baı murasyn tereń zerttegen jazýshy qazaq ǵylymynyń damýyna, ádebıetimizdiń órkendeýine eleýli úles qosty. Búginde ǵylymı jáne tarıhı eńbekteri elimizdiń damýyna septigin tıgizip, tárbıelegen shákirtteri respýblıkanyń barlyq aımaǵynda jemisti eńbek etýde»,- dedi Nurbol Turashbekov.
