Túlkibasta M.Tynyshbaev pen T.Rysqulovtyń eskertkishi ashyldy
ShYMKENT. QazAqparat - Túrkistan oblysynda Túlkibas aýdanynyń 90 jyldyǵy aıasynda M.Tynyshbaev pen T.Rysqulovtyń eskertkishi ashyldy, dep habarlaıdy QazAqparat tilshisi.
Tas músinder T.Rysqulov aýyldyq okrýgindegi Túlkibas temirjol stantsııasynda ornatylǵan.
Eskertkishtiń ashylý rásiminde aýdan ákimi N.Turashbekov, ǵalym D.Qamzabekuly, derbes zeınetker Ó.Qalyqulov sóz sóılep, qos tulǵanyń atqarǵan eńbekteri jaıly aıtyp ótti.
Aıtýly shara aıasynda aýdan ortalyǵy T. Rysqulov aýylynda jańa kópir paıdalanýǵa berildi. Aýdannyń mereıtoıynda ashylǵan jańa nysan óńir turǵyndary qýanyshty jańalyq boldy.
Sondaı-aq, mereıtoıǵa qatysýshylar Túrkistan oblysynyń kıeli jerler geografııalyq kartasyna engen «Túrkibasy áýlıesi» kesenesimen tanysty. Keseneniń ashylýyna aýdan ákimi N.Turashbekov sóz sóılep, rýhanı jańǵyrý aıasynda aýdanda atqarylyp jatqan jumystarǵa toqtaldy.
Bul kúni sondaı-aq jańa saıabaqtyń ashylý rásimi de ótti. Ortalyq saıabaqtyń jalpy jer kólemi 2,2 gektardy quraıdy. Saıabaq tolyǵymen qorshalyp, abattandyrý jumystary júrgizilgen. Sondaı-aq balalarǵa arnalǵan oıyn alańshalarymen jabdyqtalǵan.
