Túlkibasta «Qarttarym - asyl qazynam» atty merekelik shara ótti
1 qazan – Halyqaralyq qarttar kúni qarsańynda uıymdastyrylǵan sharada aýdan ákimi Nurlan Turashbekov pen aýdandyq máslıhat hatshysy S.Seısenbaev, aýdandyq ardagerler keńesiniń tóraǵasy S.Qasymbekter sóz sóılep, barsha qarııalardy mereıli merekemen quttyqtady.
Búgingi tańda aýdanda 10609 qarııa bolsa, onyń ishinde 100 jastan asqan 8 qarııa, 90 jastan asqan 146 qarııa bar. Atalǵan sharaǵa aýdan qarııalarynyń ishinen ár salada jemisti eńbek etken 200-ge jýyq ardager qatysty. Olardyń birqatary aýdannyń áleýmettik-ekonomıkalyq, ásirese qoǵamdyq-saıası ómiriniń damýyna úlken úlesterin qosqan. Osy orasan zor eńbekteri úshin qarııalar aýdan ákiminiń jáne aýdandyq ardagerler keńesiniń, aýdandyq máslıhat hatshysynyń alǵys hatymen marapattaldy. Shara sońy merekelik kontserttik baǵdarlamaǵa ulasty.
Aýdan ákimi N.Turashbekov bul kúni sondaı-aq, aýdan aýmaǵyndaǵy 90 jastan asqan qarııalardyń úıine arnaıy baryp, mereıli merekesimen quttyqtady. Qazaq eli «Qarty bar eldiń qazynasy bar» dep beker aıtpaǵan. Bar ǵumyryn eńbek pen urpaq tárbıesine arnaǵan jandar qashanda qoldaýǵa muqtaj. Osy oraıda arnaıy syı-qurmet kórsetip kelgen aýdan basshysyna qarııalarymyz óz tarapynan sheksiz alǵys aıtyp, aq batasyn berdi.
