Túlkibasta isten shyqqan avtobýstan 47 jolaýshy qutqaryldy
ASTANA. Qazaqparat - Túrkistan oblysy Túlkibas aýdanynda jol ortasynda toqtap turǵan avtobýs jolaýshylary qutqaryldy, dep habarlaıdy Qazaqparat QR ІІM Tótenshe jaǵdaılar komıtetine silteme jasap.
«18 qańtar kúni saǵat 02:55-te jedel kezekshilerdiń basqarý pýltine Túlkibas aýdany Keltemashat aýyly tusynda «Almaty-Tashkent-Termez» jolynda jolaýshylar avtobýsynyń toqtap qalǵany týraly aqparat tústi. Shymkent-Astana baǵytyna bet alǵan «Neoplan» markaly avtobýsy tehnıkalyq aqaýdan jol ortasynda qalǵan, kólikte 47 jolaýshy bolǵan», - dep habarlady QR ІІM Tótenshe jaǵdaılar komıtetiniń resmı ókili Nursultan Nurahmetov.
Oblystyq TJ departamentiniń qyzmetkerleri 12 jolaýshyny (1 Ózbekstan azamaty, ekeýi - bala) Keltemashat aýylyna evakýatsııalady.
Eshqaısysy medıtsınalyq kómekti qajet etken joq.
«Qalǵan 35 jolaýshy avtobýsta qalýdy uıǵardy. Kelesi avtobýs jetkenshe olardy Órt sóndirý qyzmetiniń «Ýral-Vahta» mashınasyna jaıǵastyryldy», - dedi N. Nurahmetov.
