Túlkibasta ınvestorlar ák shyǵaratyn zaýyt salmaq
ASTANA. QazAqparat - Túlkibas aýdanynda Elbasymyz Nursultan Nazarbaevtyń árbir aýylǵa ınvestıtsııa tartý, kásipkerlik salasyn damytý jónindegi tapsyrmasyn oryndaý maqsatynda aýqymdy jumystar atqarylyp keledi, dep habarlaıdy OQO ákimdiginiń baspasóz qyzmeti.
Osy maqsatta aýdan ákimi N.Turashbekov Qytaı elinen kelgen kásipker Lodjy Dýng pen onyń bıznestegi seriktesi ıAtsı Mın myrzamen kezdesti.
Kezdesý barysynda áktas óndirýde tájirıbesi mol kásiporyn Túlkibas aýdanynan álemdik standartqa saı ák zaýytyn salýǵa nıetti ekenin aıtyp, jobaǵa 10 mln AQSh dollary bolatyn ınvestıtsııa quıýǵa daıyn ekenin jetkizdi.
«Úrimshi qalasynda áktas shyǵaratyn 3 birdeı zaýytymyz jumys istep tur. Bul baǵytta bizdiń tájirıbemiz mol. Joba quny - 10 mln AQSh dollaryn quraıdy. Onyń 7 mln. dollary zaýytqa zamanaýı qondyrǵylar alýǵa jumsalady. Kásiporyn táýligine 400 tonna oksıd kaltsıin shyǵarýǵa qaýqarly bolady», - deıdi Lodjy Dýng myrza.
Óz kezeginde aýdan ákimi ınvestorlarǵa memleket tarapynan kórsetiletin kómekter men jeńildikterdi baıandap, óńirdiń ekonomıkalyq-áleýmettik ahýalyn áńgimeledi.
Eger joba iske assa, atalǵan zaýytta jańadan 110 jumys oryny ashylady dep kútilýde.
Jumys saparymen kelgen kásipkerler munan bólek, aýdandaǵy ák tas óndiretin kásiporyndardyń jumysymen tanysty.
