Túlkibasta halyq kóp júretin jerlerge dezınfektsııalaıtyn qural ornatylyp jatyr

TÚLKІBAS. QazAqparat - Túrkistan oblysy Túlkibas aýdanynda aýdan ákimdiginiń uıymdastyrýymen arnaıy mamandar zalalsyzdandyrý ótkelin jasap shyǵardy. Búginde jańa qurylǵy synaqtan ótip, sala mamandarynyń qoldaýyna ıe bolyp otyr, dep habarlaıdy QazAqparat.

Óńirlik kommýnıkatsııalar qyzmetiniń málimetinshe, koronavırýs pandemııasynyń aldyn alý maqsatynda zalalsyzdandyrý ótkelderi aýdan ortalyǵyndaǵy «Qazposhta» men «Halyq banki» jáne «Halyqtyq keńse» ǵımarattarynyń aldyna aýdan turǵyndary men sol mekemelerde qyzmet atqaratyn mamandardyń qaýipsizdigi úshin ornalastyrylýda.

Aldaǵy ýaqytta jańa qurylǵy aýdan ortalyǵyndaǵy halyq shoǵyrlanatyn mekeme aldaryna jáne «Shaqpaq» beketine ln ornalastyrý josparlanýda.

Zalalsyzdandyrý ótkeli úıshik tárizdes, ishinen adam ótýge yńǵaılastyrylǵan. Adam ótken kezde arnaıy daıyndalǵan zalalsyzdandyrý suıyqtyǵyn búrký arqyly avtomatty túrde 8 sekýnd shashyp, barlyq qaterli mıkrobty óltire alady.