Túlkibasta eki saraı órtenip, sharýanyń qysqa daıyndaǵan mal azyǵy túgelimen janyp ketti
TÚRKІSTAN. QazAqparat – Túlkibasta eki saraı órtenip, sharýanyń qysqa daıyndaǵan mal azyǵy túgelimen janyp ketti, dep habarlaıdy QazAqparat tilshisi.
Oqıǵa Tastumsyq aýylynda bolǵan. Tilsiz jaýdan zardap shekkender joq. Tek jaz boıy jınalǵan shóp ótqa oranyp, sharýany edáýir shyǵynǵa batyrǵan.
«Oqıǵa ornyna Tótenshe jaǵdaılar departamentiniń qyzmetkerleri, №2 mamandandyrylǵan órt sóndirý bóliminiń basshy quramy jáne aýdandyq polıtsııa qyzmetkerleri jumyldyryldy. Aldyn ala boljam boıynsha basty sebep órt qoıý bolǵan. Qazirgi tańda Túlkibas aýdandyq polıtsııa bólimi qyzmetkerleri tergeý amaldaryn júrgizýde» - delingen Túrkistan oblysy TJD baspasóz qyzmeti taratqan habarlamada.
Vıdeodan alynǵan kadr
