Túlkibasta dástúrli «Salbýryn-mereke ǵoı saıatshyǵa» atty is-shara bıyl jańa formatta ótti

Ata-baba dástúrin keıingi urpaqqa nasıhattaý maqsatynda uıymdastyrylǵan saıatshylar merekesi bul joly ál-Farabıdiń 1150 jyldyǵy men Abaıdyń 175 jyldyq mereıtoıymen ushtastyryldy, dep habarlaıdy QazAqparat tilshisi.

Dástúrli shara bıylǵy jyly kórkem sóz sheberleriniń baıqaýy retinde uıymdastyryldy.

Onda alǵy sóz alǵan aýdan ákiminiń orynbasary B.Ahmetov Elbasynyń «Bolashaqqa baǵdar: rýhanı jańǵyrý» jáne «Uly dalanyń jeti qyry» maqalalary aıasynda ulttyq salt-dástúrdi buqara halyq arasynda nasıhattaýdyń mańyzdylyǵyn atap ótti. Mereke kezinde kórermenderge saıatshylyq dástúri men uly tulǵalardyń ómir jolyna qatysty kórme uıymdastyrylyp, oblys jáne aýdan ónerpazdary tarapynan án-shashýlar tartý etildi.

Baıqaý jeńimpazdaryna aýdan ákiminiń alǵys haty men sertıfıkattar tabystaldy.

Aıta keteıik, sońǵy eki jyldan beri óńirdiń árbir aýdan- qalalarynyń tabıǵı erekshelikterine saı túrli is-sharalar ótkizilip keledi. Túlkibas jerinde ótken sharalar aýdan turǵyndarynyń rýhanı kemeldenýine erekshe serpin berdi.