Túlkibasta batagóı qarııalardyń baıqaýy ótti

TÚLKІBAS. QazAqparat - Túrkistan oblysy, Túlkibas aýdanynda batagóı qarııalardyń baıqaýy ótti. Sharaǵa 11 aqsaqal qatysyp, bas júldeni sarapqa saldy, dep habarlaıdy QazAqparat.

«Batamenen el kógerer» atty saıys Elbasynyń «Bolashaqqa baǵdar: rýhanı jańǵyrý» maqalasyndaǵy «Rýhanı qazyna» kishi baǵdarlamasyn iske asyrý aıasynda uıymdastyryldy. Eki bólimde ótken baıqaýda qatysýshylardyń babalar ósıetin, sóz saptasyn, danalyq uǵymyn urpaǵyna jetkizý jaǵy synaldy. Sondaı-aq, aıtylǵan batalardyń mańyzdylyǵy men ereksheligi de nazarǵa alyndy. Saıys qorytyndysymen bas júldeni jáne «Eń batagóı qarııa» ataǵyn Túlkibas kentiniń atynan shyqqan Ermahan Dáýletov jeńip aldy. Ekinshi oryndy Shaqpaq aýyldyq okrýginiń batagóı qarııasy Ermek Beısetaev ıelense, úshinshi oryn Kemerbastaý aýyldyq okrýginen kelgen Amanbaı Abdalımovqa buıyrdy.

Іs-shara sońynda júldeli oryndardan kóringen qatysýshylarǵa aýdandyq ardagerler keńesiniń tarapynan baǵaly syılyqtar jáne alǵys hattar tabystaldy.