Túlkibasta baqtashy ózine senip tapsyrylǵan qoılardy satyp jibergen
TÚRKІSTAN. QazAqparat – Túrkistan oblysy Túlkibas aýdanynda baqtashy ózine senip tapsyrylǵan qoılardy satyp jibergen. Maldyń ıesi birshama ýaqyttan keıin qoılaryn túgendeýge barǵanda 10 bas saýlyǵynyń joq ekenin anyqtaǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, qoılaryn joǵaltqan jergilikti turǵyn polıtsııaǵa aryzdanǵan. Ol óz aryzynda aýdannyń aýyldarynyń birindegi sharýa qojalyqqa 15 bas saýlyq qoıyn aparyp, baǵýǵa senip qosqanyn jetkizgen. Oqıǵa ornyna barǵan jedel-tergeý toby kýágerlerden jaýap alyp, jaqyn aımaqtardy aralap shyqqan. Úsh táýlikten soń bul qylmysqa jábirlenýshi malyn senip tapsyrǵan baqtashynyń qatysy bar ekeni anyqtalǵan. Ol Jambyl oblysynyń turǵyny bolyp shyqty. Jaýap alý kezinde óz kinásin tolyq moıyndaǵan.
«Tergeý barysynda baqtashy qoılardy túrli baǵaǵa baǵalap, Túlkibas aýdanynda satyp jibergeni belgili boldy. Aqshasyn óz qajettiligine jaratyp jibergen. Tártip saqshylary satylǵan maldardy tárkilep, zańdy ıesine qaıtarǵan. Qazirgi tańda baqtashy Túlkibas APB-ne jetkizilip, tergeý amaldary júrgizilýde. Kúdiktiniń bas sharasy «qolhatta» delingen habarlamada.
