Túlkibasta aýyl sharýashylyǵynda 12 joba iske qosyldy
TÚLKІBAS. QazAqparat - Túrkistan oblysy Túlkibas aýdanynda aýyl sharýashylyǵy salasyn damytý maqsatynda aýqymdy jobalar iske asýda, dep habarlaıdy QazAqparat aýdan ákiminiń baspasóz qyzmetine silteme jasap.
Oblys ákimi Ómirzaq Shókeevtiń tapsyrmasyna oraı bıyl aldyńǵy qatarly tehnologııalardy qoldana otyryp jáne halyqty jumyspen qamtý maqsatynda jalpy somasy 6094 mln tengeni quraıtyn 33 joba iriktelip alyndy. Búgingi kúnge jalpy somasy 787,3 mln teńgeni quraıtyn 12 joba iske asyryldy. Onyń ishinde, óz qarajaty esebinen – 7 joba, nesıelendirý arqyly – 5 joba, al qalǵan 21 joba boıynsha búgingi kúnde sharýa qojalyqtarynyń basshylary qujattaryn jınaqtap, qarjy ınstıtýttarymen qarjylandyrý boıynsha jumys júrgizýde.
Búgingi tańda aýdan ákimdiginiń uıytqy bolýymen barlyq deńgeıdegi qarjy ınstıtýttaryn tarta otyryp, jergilikti kásipkerlerge jeńildetilgen nesıe alý boıynsha túsindirý jumystary qarqyndy júrýde.
