Túlkibasta ata-ana qamqorlyǵynsyz qalǵan bir úıdiń 6 balasyna baspana tartý etildi

TÚLKІBAS. QazAqparat – Túlkibas aýdanynda ata-ana qamqorlyǵynsyz qalǵan balalarǵa 5 bólmeli baspana tartý etildi. Qasıetti ramazan aıynda «Hareket» qaıyrymdylyq qory taǵdyr tálkegin bastan ótkergen 6 balaǵa aýdan ortalyǵynan turǵyn úı alyp berdi, dep habarlaıdy QazAqparat tilshisi.

Túlkibas aýdany ardagerler keńesiniń tóraǵasy S.Qasymbek turǵyn úıdiń kiltin tapsyryp, izgi tilegin jetkizdi.

Aıta keteıik, osy kúnge deıin 5 jasóspirim men olardyń kámelet jasyna tolǵan ápkesi Nursulý Shalypova naǵashy apasynyń qolynda turyp kelgen. Nursulý Abaıqyzy búgingi tańda aýdandyq ortalyqtandyrylǵan kitaphanalar júıesinde baǵdarlamalyq qamtamasyz etý mamany bolyp jumys isteıdi.

Sońǵy eki jyldan beri bul otbasy aýdan ákimdiginiń qamqorlyǵynda bolyp, olarǵa jan-jaqty qoldaý kórsetilip kelgen.

Óz kezeginde kóp jyldar boıy bes baýyrymen qıynshylyqta ómir súrip kelgen boıjetken aýdan ákimdigine, «Hareket» qaıyrymdylyq qoryna jáne jany jomart jandarǵa alǵysyn jetkizdi.