Túlkibasta analar saıabaǵy boı kóterýde
TÚLKІBAS. QazAqparat - Túrkistan oblysy, Túlkibas aýdanyna qarasty Túlkibas kentinde analarǵa syı-qurmet pen aıryqsha yqylastyń belgisi retinde «Analar saıabaǵy» salynýda, dep habarlaıdy QazAqparat Óńirlik kommýnıkatsııalar qyzmetine silteme jasap.
Bıylǵy jyldyń tamyz aıynda bastaý alǵan saıabaqty abattandyrý jumystary jeltoqsan aıynda aıaqtalady dep kútilýde.
Atalǵan aımaqtan saıabaqtyń ashylýy kent turǵyndaryna úlken qýanysh syılaǵaly otyr. Sebebi, aınalasy tolyǵymen abattandyrylǵan saıabaq aýmaǵynda balalar oıyn alańshasy men strıtvorkaýt boı kóterip, taza aýada serýendeýge barlyq jaǵdaılar jasalynatyn bolady. Halyq ıgiligi úshin boı kóterip jatqan bul nysan, Elbasynyń «Bolashaqqa baǵdar: rýhanı jańǵyrý» maqalasynda qoıylǵan mindetterdi oryndaýdyń bir kórinisi.
