Túlkibasta 600 tonnadan astam jańǵaq jınaldy
TÚLKІBAS. QazAqparat - Túlkibas aýdanynda sońǵy eki jyl kóleminde jańǵaq sharýashylyǵyn damytý isi jolǵa qoıyldy, dep habarlaıdy QazAqparat aýdan ákiminiń baspasóz qyzmetine silteme jasap.
Jańǵaq aǵashy oblysymyzdyń barlyq óńirlerinde óse bermeıtini belgili. Tústikte Túlkibas, Tólebı, Saıram jáne Qazyǵurt aýdandarynyń taý bókterinde jáne úı irgelik jerlerde ósedi.
Túlkibas aýdanynda osy ýaqytqa deıin jańǵaq aǵashtaryn tek baqshada ósirip, odan ónim alyp kelgen edi. Byltyr aýdanda oblys ákiminiń tapsyrmasyna sáıkes 257,5 gektar jerge jańǵaq kósheti otyrǵyzyldy.
Osylaısha, aǵymdaǵy jyly Túlkibasta jańǵaq aǵashtarynan 627,6 tonna ónim jınalǵany belgili boldy. Al jańǵaq ónimin jınaýdy jergilikti turǵyndar jeke kásip retinde iske asyryp jatyr. Olar aýdandyq ortalyq bazar janynan qabyldaý beketterin ashyp, ónimniń pisken kezinde sapasyna qaraı kelisin 400-500 teńgeden satyp alady. Ony qaıta óndeýden ótkizý arqyly qabyǵynan ajyratyp (paıdalanýǵa daıyn kúıinde) oblysymyzdyń iri saýda ortalyqtary men kondıterlik tsehtarǵa ótkizedi. Nemese basqa óńirlerge kelisin 1200-1500 teńgeden jóneltip otyr.
