Túlkibasta 356 ga jerge alma baýy egildi

ASTANA. QazAqparat - Túlkibas aýdanynda halyqtyń áleýmettik-ekonomıkalyq turǵydan damýyna tikeleı áser etetin negizgi salalar qarqyndy damyp keledi. Máselen, agroónerkásiptik keshendi damytý aıasynda aýdanda ótken jyldan beri 24 aýyl sharýashylyǵy kooperatıvi qurylǵan. Sondaı-aq, Túlkibastyń brendi bolyp sanalatyn alma baý sharýashylyǵy jyldam qarqynmen damyp keledi. Aýdanda qazirgi tańda 3077 ga baý alqaby bolsa, onyń ishinde qarqyndy  baý kólemi  - 230 ga. Belgilengen josparǵa sáıkes, aýdanda bıylǵy jyly 356 ga jerge alma baýy egilse, onyń 115 gektary qarqyndy baý.

Munan bólek, jyl basynan beri Túlkibasta 251 shaǵyn mal bordaqylaý alańy men 81 januıalyq sút fermasy jáne 600 bastyq shaǵyn qus fermasy  ashyldy.

 

Sonymen qatar, Túlkibasta týrızm salasy keńge qanat jaıyp keledi. Jyl basynan beri onda birneshe demalys oryndary ashylǵan. Mysaly, aýdandaǵy Kereıt aýylynda bir mezette 1000 adamdy qabyldaýǵa shaqtalǵan otbasylyq demalys kesheni ashylsa, jaqyn kúnderi Jabaǵyly eldi mekeninde 70 adamǵa shaqtalǵan «Jaılaý» emdeý saýyqtyrý ortalyǵy men «Batys Eýropa-Batys Qytaı» halyqaralyq dálizi boıynan jolaýshylarǵa arnalǵan servıstik qyzmet kórsetý ortalyǵyn ashylý josparlanýda.

 

Al «Nurly jer» turǵyn úı baǵdarlamasy boıynsha berilgen tapsyrmalar bıyldan iske asyryla bastaıdy. Túlkibas  aýdanynda búgingi tańda 1322 otbasy turǵyn úıge kezekke tirkelse, olardy baspanamen qamtamasyz etý úshin 2018-2020 jyldary 3 eldi mekende - Túlkibas, Sastóbe poselkelerinde jáne T.Rysqulov aýylynda 1472 páterli 28 turǵyn úı salý josparlanyp otyr.