Túlkibasta 3 jasar búldirshin Arys ózenine aǵyp ketti
TÚLKІBAS. QazAqparat – Túrkistan oblysy, Túlkibas aýdanynda 3 jasar búldirshin Arys ózenine batyp ketken. Shymkentten kelgen súńgiýrler kishkentaı qyzdyń máıitin bir kúnnen soń tapqan, dep habarlaıdy QazAqparat tilshisi.
Shymkent qalalyq TJD málimetinshe, qaıǵyly jaǵdaı Arys aýyldyq okrýginiń Kereıit aýylynda oryn alǵan. Kishkentaı qyz kámeletke tolmaǵan aǵalarymen birge balyq aýlaýǵa baryp, abaısyzda Arys ózenine batyp ketken. Aýyl turǵyndary keshke deıin izdestirý jumystaryn júrgizip, bolmaǵan soń shymkenttik qutqarýshylardy shaqyrtqan.
«Oqıǵa ornyna 6 qutqarýshy arnaıy tehnıka men júzý quralymen jetken. Súńgýir-izdeý toby keshki saǵat 17: 34-te aýylǵa kelip,balany izdeýge kirisken. 18 mamyr kúni kúndizgi saǵat 12:07-de búldirshinniń denesi boljamdy oqıǵa ornynan 1,5 shaqyrym qashyqtyqta kópirdiń astynan tabylǵan» delingen habarlamada.
