Túlkibasta 20 jańa nysan el ıgiligine berildi
ShYMKENT. QazAqparat - Ońtústik Qazaqstandaǵy 110 myń halqy bar Túlkibas aýdany el Táýelsizdiginiń 25 jyldyǵyn tolymdy tabystarmen qarsy aldy. Aýdanda sońǵy bir aıda 20-ǵa jýyq áleýmettik nysan paıdalanýǵa berildi.
Aýdanda el táýelsizdiginiń 25 jyldyǵyna tartý retinde halyqqa qajetti taza aýyz sý berilip, shalǵaı aýyldarda bilim men mádenı oshaqtary, densaýlyq nysandary men turǵyn úıler boı kóterdi. Órkenıet elderdegideı aýyldarǵa aıaq joldar salynyp, ishki kósheler jóndeýden ótti. Halyqty jumyspen qamtyp otyrǵan kásiporynda qosymsha tsehtar ashylyp, qarapaıym sport alańshalary men ákimshilik ǵımaraty da el ıgiligine berildi.
Jańa nysandardyń ashylýynda aýdan basshysy Áýelhan Turǵymbekov sońǵy 25 jylda atqarylǵan jumystardy tilge tıek etti, dep habarlaıdy Ońtústik Qazaqstan oblysy ákimdiginiń baspasóz qyzmeti.
