Túlkibas turǵyny 51 adamnyń gazǵa tólenetin aqshasyn alyp, jaratyp jibergen
TÚRKІSTAN. QazAqparat – Túrkistan oblysynda alaıaq 51 turǵynnyń gazǵa tólenetin aqshasyn jınap, jaratyp jibergen. Sóıtip turǵyndarǵa 1,5 mln teńge shamasynda shyǵyn keltirgen, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, kúdiktini ustaýǵa birneshe turǵynnyń polıtsııaǵa aryzdanýy sebep bolǵan.
Túlkibas aýdandyq PB-ne jergilikti turǵyn aryzdanyp, aýyldastarymen birge gazǵa tólenetin aqshany ózderi senetin tanys áıelge jınap bergenin jetkizgen. Alaıda ol jınalǵan aqshany turǵyndardyń derbes shotyna tólemeı, ıaǵnı óz qajetine jaratyp jibergen.
Osy qylmysty tekserýge shuǵyl kirisken aýdandyq polıtseıler kúdikti áıeldiń turǵyndar tańdaýymen erikti túrde kommýnaldyq tólemdi jınap, bul qyzmeti úshin ár túbirtekten ózine 100 teńgeden alyp otyrǵanyn anyqtaǵan. Al ótken jyly qysqy jylytý maýsymynda kúdikti 51 turǵynnan gazǵa tólenetin aqshasyn jınap alyp, tólemeı qoıǵan. Qomaqty qarajatty bas paıdasyna jaratyp jiberipti.
Tártip saqshylarynyń jedel júrgizilgen jumysynyń arqasynda kúdikti óz kinásin tolyq moıyndap, jábirlenýshilerge keltirilgen shyǵynnyń jartysyn qaıtardy. Búginde qolhatpen bosatylyp, QR QK 190-baby boıynsha qozǵalǵan qylmystyq is aýdandyq sotqa joldanǵan.
