Túlkibas pen Jetisaı aýdandaryndaǵy qoǵamdyq oryndarda betperde tegin taratyldy

TÚRKІSTAN. QazAqparat – Túrkistan oblysyndaǵy shalǵaı aýdandarda qaýipti derttiń aldyn alý sharalary júrgizilýde. Óńirdiń Túlkibas pen Jetisaı aýdandarynda jekelegen kásipkerler osy sharalarǵa atsalysyp, qoǵamdyq oryndarda betperde tegin taratyldy, dep habarlaıdy QazAqparat tilshisi.

Túlkibas aýdanyndaǵy jeke balabaqshasynyń meńgerýshisi Jansaıa Myrzalıeva tótenshe jaǵdaı kezinde qaıyrymdylyq tanytýǵa belsendilik tanytty. Іsker kelinshek qarjatyna 2 myń dana betperde tikkizdi. Maskany eriktiler aýdan ortalyǵynda halyq kóp shoǵyrlanatyn ortalyq bazar men men azyq-túlik satatyn saýda ortalyqtarynda taratty.

Al, Jetisaı aýdanynda Jastar resýrstyq ortalyǵy men aýdannyń erikti kásipkerleri jáne «JasOtan» jastar qanatynyń músheleri de covid19 pandemııasynyń aldyn alý sharasyna úlesin qosty. Jastar qala turǵyndary men taksı júrgizýshilerine, qoǵamdyq jumysta júrgen azamattarǵa tegin betperdeler úlestirip berdi.

Sondaı-aq, aýdandyq Jastar resýrstyq ortalyǵy men jergilikti kásipkerler arasynda júrgizilgen kelissózdiń nátıjesinde búginde tigin tsehtarda betperde tigý isi keńinen qolǵa alynyp otyr. Іsker azamattar arasynan da eriktiler toby qurylyp, óz qarjylary esebinen tigilgen qorǵanys betperdeleri aldaǵy ýaqytta a turaqty túrde tegin taratylatyn boldy.