Túlkibas aýdanyndaǵy barlyq mektepte «Adaldyq saǵaty» ótti

TÚLKІBAS. QazAqparat – Túrkistan oblysy Túlkibas aýdanyndaǵy barlyq mektepterde jalpy respýblıkalyq «Adaldyq saǵaty» ótti. Bul kúni aýdan ákimi Nurbol Turashbekov Abaı mekep-gımnazııasynyń akt zalynda oqýshylarymen kezdesti, dep habarlaıdy QazAqparat tilshisi.

Erkin formatta ótken sharaǵa aýdan basshysynan bólek Qazaqstan Respýblıkasy «Bilim berý isiniń úzdigi», Túlkibas aýdanynyń «Qurmetti azamaty» Q.Anashev arnaıy qatysyp, el bolashaǵy jastarmen adaldyq, parasat, ádildik pen senim syndy taqyryptarda áńgime órbitti.

Aıta keteıik, Elbasy 2018 jylǵy 5 qazandaǵy Qazaqstan halqyna Joldaýynda jemqorlyqpen belsendi kúresý jalǵasatynyn aıtqan bolatyn. Osyǵan oraı, sharanyń ashylý saltanatynda aýdan ákimi Nurbol Turashbekov qoǵamda sybaılas jemqorlyqqa qarsy mádenıetti qalyptastyrý maqsatynda aýdanda jergilikti atqarýshy organdar tarapynan atqarylyp jatqan jumystar barysy jaıynda aýqymdy baıandama jasady.

Ákim qazaq halqynyń uly tulǵalary aıtyp ótken adaldyq týraly tereń maǵynaly ulaǵatty sózderdiń tárbıelik mán-maǵynasyn ashyp, óskelen urpaqqa túsindirip ótti.

Kezdesý barysynda oqýshylar tarapynan taqyryp aıasynda suraqtar qoıylyp, tıisti jaýaptar berildi.