Túlkibas aýdanynda «Jastar jalyny» atty stýdentterdiń sleti ótti

TÚLKІBAS. QazAqparat – Túrkistan oblysy, Túlkibas aýdanynda Jastar jylyna oraı «Jastar jalyny» atty stýdentterdiń sleti ótti. «Jastar resýrstyq ortalyǵynyń» uıymdastyrǵan basqosý stýdenttik ózin-ózi basqarý uıymdarynyń jumysyn jetildirý men stýdentterdiń qoǵamdyq belsendilikke degen qulshynystaryn arttyrý maqsatynda ótkizildi, dep habarlaıdy QazAqparat tilshisi.

Іs-sharaǵa «Túlkibas agrobıznes jáne saıahat kolledji» men «Túlkibas kópsalaly kolledjiniń» stýdentteri, erikti jastar qatysty. Stýdentter sletine sondaı-aq, aýdandyq ardagerler keńesiniń tóraǵasy Sátpaı Qasymbekov, «Jas Otan» Jastar qanaty Túlkibas aýdandyq bóliminiń basshylyǵy, «Jasyl el» jastar eńbek jasaqtary Túlkibas aýdandyq shtabynyń jetekshiligi men belsendi stýdentter qatysyp, erkin pikir almasty. Basqosý aıasynda stýdentterge «Eriktilik – jańa trend», «Kóshbasshylyq daǵdylardy damytý», «Jastar jáne kásipkerlik» taqyryptary boıynsha trenıngter ótildi. Qatysýshylar toptarǵa bólinip 2020 jyl «Eriktiler jylyna» oraı óz usynystaryn aıtyp, jobalaryn qorǵady. Ózara tájirıbe almasyp, jastar uıymdarynyń áleýetin kóterý boıynsha pikir almasty.

Aıta keteıik, dál osy joba ótken jyly da ótkizildi. Onda jastar uıymdarynyń basshylary qatysyp, slet qorytyndysy boıynsha aıtylǵan usynystar men pikirler negizinde Túlkibas aýdany stýdentteriniń «Qarary» qabyldanǵan bolatyn.