Túlkibas aýdanynda jańa emhana boı kóteredi
NUR-SULTAN. QazAqparat - Túlkibas aýdany Sastóbe kentinde bıyl jańa emhana qurylysy bastalmaq. Kúnine 70 adam qabyldaýǵa qaýqarly emhana qurylysyna oblystyq bıýdjet esebinen 404 mln teńge qarjy qarastyrylǵan, dep habarlaıdy Túrkistan oblysynyń Óńirlik kommýnıkatsııalar qyzmeti.
Sondaı-aq, ortalyq aýrýhananyń perzenthana, nevrologııa jáne gınekologııa bólimderiniń ǵımarattary kúrdeli jóndeýden ótip, jańa ashana qurylysy iske aspaq.
Ótken jyldan ótpeli bolyp kúrdeli jóndeýden ótip jatqan ǵımarattar bir mezette 270 naýqasty qabyldaýǵa qaýqarly. ıAǵnı, 270 tósek orny bar. Bul jerde ǵımarattardyń ishki jáne syrty árleý jumystarymen qatar esik, terezeleri aýysyp, jylý júıesi tolyǵymen jańartylýda. Sonymen qatar, múmkindigi shekteýli jandardyń júrip-turýyna yńǵaıly bolý maqsatynda barlyq jaǵdaılar jasalynbaq.
Ortalyq aýrýhananyń basty túıitkildi máselesi - aýyz sý qubyrlarynyń eskirýi bolǵan. Bul másele de óz sheshimin taýyp, aýrýhana aýmaǵyndaǵy barlyq eski qubyrlar jańartylyp, aýyz sý jańa júıege qosylyp otyr.
