Túlkibas aýdanynda jańa Arbat boı kóteredi
TÚRKІSTAN. QazAqparat - Bıyl Túlkibas aýdanynyń ortalyǵy T.Rysqulov aýylynda jańa arbat boı kótermek. Qazirgi tańda jerdi tegisteý jumystary júrýde. Aǵymdaǵy jyldyń mamyr aıynda qurylys jumystary tolyq aıaqtalady, dep habarlaıdy oblystyq ákimdiktiń baspasóz qyzmeti.
Demalys orny - aýdandyq mádenıet úıiniń aldyndaǵy «Qurmetti azamattar» alleıasynyń ornyna túspek. Al, «Qurmetti azamattar» alleıasy jańa dızaında «Jeti qazyna» alleıasynyń aýmaǵynan boı kóteretin bolady.
Aýdan ortalyǵynyń kórkin asha túsetin arbattyń qos qaptalyndaǵy jaıaý júrginshi joly men saıajolǵa túrli-tústi bederli tas tóselmek. Sondaı-aq, jańa oryndyqtar qoıylyp, shamdar ilinedi. Jergilikti faýnaǵa saı sáýletti músinder ornatylatyn bolady. Qurylys jumystary aıaqtalyp, paıdalanýǵa berilgen kezde, aýyl turǵyndarynyń demalys aımaǵyna aınalmaq.
