Túlkibas aýdanynda ulttyq sport túrlerinen jarystar ótti
TÚLKІBAS. QazAqparat – Túrkistan oblysy, Túlkibas aýdanynda ulttyq sport túrlerinen jarystar ótti, dep habarlaıdy QazAqparat tilshisi.
Alǵabas sport kesheninde «Túrkistan oblysynyń toǵyzqumalaq federatsııasy» kýbogine arnalǵan týrnır ótti. Jarystyń saltanatty ashylý rásimin Túlkibas aýdandyq Nur Otan partııasy tóraǵasynyń birinshi orynbasary Aslanbek Nuranov ashyp, sportshylarǵa sáttilik tiledi. Ár túrli jastaǵy sportshylar qatysqan týrnır tartysty ótip, jarys jeńimpazdaryn Túrkistan oblysynyń toǵyzqumalaq federatsııasynyń Prezıdenti Myltyqbaev Nurǵalı Tórebekuly qarjylaı syılyqtarmen marapattady.
Al, T. Rysqulov aýylyndaǵy Jankent sport kesheninde asyq atý jáne bes asyqtan jasóspirimder men eresekter arasynda aýdannyń ashyq birinshiligi ótti. Jarysqa Shardara qalasy men aýdandyq jalpy orta mektepteriniń komandalary qatysty. Nátıjesinde asyq atýdan jasóspirimder arasynda Shardara komandasy І oryn, ІІ oryn-Shardara BJSM, ІІІ oryn Ǵ. Muratbaev JOM komandalary ıelendi. Eresekter arasynda І oryndy – Ómir. M, ІІ oryndy- Sapıev. N, ІІІ oryndy- Baıdildaev. M atty sportshylar aldy. Qyzdar arasynda bes asyqtan júldeli oryndar Shardaralyq jasóspirim qyzdar men aýdanyq №2 BJSM qyzdaryna buıyrdy. Bul kúni sondaı–aq, T. Rysqulov aýylyndaǵy «Jas talap» sport klýbynda «Terrorsyz jarqyn bolashaq» atty uranymen ústel tennısinen jasóspirim uldar men qyzdar arasynda da aýdan birinshiligi ótti.
