Túlkibas aýdanynda tótenshe jaǵdaıdan zardap shekken kásipkerlerge qoldaý kórsetile bastady
TÚLKІBAS. QazAqparat – Túrkistan oblysynyń Túlkibas aýdanynda tótenshe jaǵdaıdan zardap shekken kásipkerlerge qoldaý kórsetý sharalary qolǵa alyndy. Osy baǵytta aýdan ákimi Nurlan Baıǵut jeke kásibin ashamyn nemese kásibimdi ulǵaıtamyn degen turǵyndarǵa qoldaýdy kúsheıtý maqsatynda «Jobalyq keńse» qurýdy tapsyrdy, dep habarlaıdy QazAqparat tilshisi.
Búgingi tańda osy maqsatta aýdan ákimdiginiń janynan jobalyq keńse qurylyp, óz jumysyn bastap ketti. Ondaǵy qyzmetkerler jeke kásip bastaýǵa nıet bildirgen azamattardyń qarjy uıymdaryna jáne ekinshi deńgeıli bankterden jeńildetilgen nesıe alýǵa jobasyn daıyndaýǵa, qujattaryn rásimdeýge kómek beredi.
Búginde «Jobalyq keńse» jumysy jemisin berip, nátıjesinde 48 turǵyn jobasyn ótkizgen. Onyń 12-si qarjy uıymdaryna joldandy.
Budan ózge, aýdan ákiminiń tóraǵalyǵymen ár aptanyń seısenbi kúnderi «Jobalyq keńse» músheleriniń otyrysy ótkizile bastady. Bul basqosýda bir apta ishinde atqarylǵan jumystarmen qatar kásipkerlerge naqty qoldaý kórsetý mehanızmderi saralanady.
