Túlkibas aýdanynda sút ónimi óndirisiniń ekologııalyq tıimdiligi taqyrybynda dóńgelek ústel ótti
ASTANA. QazAqparat - Ońtústik Qazaqstan oblysy Túlkibas aýdanynda «Uly dala eli - Táýelsizdiktiń 25 negizi» taqyryby aıasynda bilim bóliminiń uıymdastyrýymen Á.Naýaı atyndaǵy jalpy orta mektebinde «Ekologııalyq taza sút ónimi óndirisiniń ekologııalyq tıimdiligi» taqyrybynda dóńgelek ústel ótkizildi, dep habarlaıdy aýdan ákimdiginiń baspasóz qyzmeti.
Arnaıy dóńgelek ústelge aýdan jastary aldyn ala zaýyt ónimderimen tanysyp keldi. Zerttelgen ónimderge dóńgelek ústel barysynda ózderiniń daıyndaǵan baıandamalaryn qorǵady.
Bizdiń otandyq ónimderimizdiń sheteldik ónimderge qaraǵanda ekologııalyq taza sapaly ónim ekeni dáleldengen. Álemdik naryqta básekege qabiletti ónim bolyp otyr. Zaýyt qyzmetkerleri men jastardyń arasynda ótken dóńgelek ústeldiń jas urpaq úshin mańyzdylyǵy týraly bizdiń búgin qarastyryp otyrǵan ózekti máselemiz Ekologııalyq taza ónimder onyń óndiristik ekologııalyq ekonomıkalyq tıimdiligi jaıly túsindirildi.
Ekologııalyq taza ónim óndirý men tutyný úlken áleýmettik ekonomıkalyq maǵynaǵa ıe, ol bir jaǵynan óndiristiń ınnovatsııalyq kásipkerliktiń arnaıy túrin damytý, ekinshi jaǵynan ult densaýlyǵy men ómir sapasyn sıppattaıtyn kórsetkishterge qol jetkizý. Aldaǵy ýaqyttarda da ártúrli óndiristik oryndarmen dóńgelek ústelder ótkiziledi.
