Túlkibas aýdanynda «Halyqtyq keńse» ashyldy

TÚRKІSTAN. QazAqparat -Túrkistan oblysyna qarasty  Túlkibas aýdanynda halyqqa qyzmet kórsetetin «Halyqtyq keńse» ashyldy. Jańadan ashylǵan mekemeniń ashylý rásimine Túrkistan oblysynyń ákimi Janseıit Túımebaev arnaıy qatysyp, aýdan turǵyndaryn quttyqtady, dep habarlaıdy QazAqparat tilshisi.

«Halyqtyq keńsede» aýdandyq ákimdikke qarasty 8 derbes bólim 96 túrli qyzmet kórsetedi. Mekeme halyqqa «bir tereze» qaǵıdaty boıynsha qyzmet kórsetedi. Aımaq basshysynyń aıtýynsha, keńsede  azamattar 100-ge jýyq memlekettik qyzmet túrin ala alady.

 «Elbasymyz aıqyndap bergen «Tsıfrlyq Qazaqstan» baǵdarlamasyn júzege asyrýdyń 4 baǵyty bar. Sol baǵyttardyń úshinshisi - memlekettik organdar jumysynyń sapasyn arttyrý bolyp tabylady. Búgingi mekeme atalǵan baǵdarlamany júzege asyrý maqsatynda esigin aıqara ashyp otyr. Avtomattandyrylǵan júıemen jumys isteıtin keńsede azamattar burynǵydaı kóp ýaqyt joǵaltpaıdy. Eń bastysy qyzmet túrleri joǵary sapada kórsetiletin bolady. Mekemeniń ashýdaǵy negizgi maqsatymyz da sol», - dedi Janseıit Túımebaev.

Aıta keteıik, buǵan deıin «Tsıfrlyq Qazaqstan» baǵdarlamasyn iske asyrý maqsatynda aýdandyq sot ta «Halyqtyq keńse» ashqan bolatyn.