Túlkibas aýdanynda birqatar sport nysany jóndeldi
TÚLKІBAS. QazAqparat – Túrkistan oblysyna qarasty Túlkibas aýdanynda birqatar sport nysandary jóndeýden ótkizilip, paıdalanýǵa berildi. №1 balalar men jasóspirimder sport mektebiniń janynan ashylǵan shynyǵý zalynyń qurylǵylary jańartyldy, dep habarlaıdy QazAqparat tilshisi.
Sport mektebiniń shaǵyn fýtbol alańshasy da kúrdeli jóndeýden ótkizildi. Alańshaǵa jaryqshamdar ornatylyp, gazon men qorshaýy tolyǵymen jańartylǵan. Aýqymdy jumys aýdan ákimi Nurlan Baıǵuttyń tapsyrmasymen júzege asyrylyp keledi.
Aıta keteıik, búginde taýly aýdanda turaqty túrde sportpen shuǵyldanýshylar qatary 30,8 paıyzǵa jetken. Atap aıtqanda, qazir aýdanda 35 sport ǵımaraty jumys isteıdi. Onyń ekeýi 1 500 orynǵa shaqtalǵan stadıon bolsa, tórteýi sporttyq keshen sanalady. Sondaı-aq, atshabar maneji men 8 myltyq atý tıri ashylǵan. Turǵyndar júzý basseıini men ıppodromǵa jáne sport alańshalaryna baryp, sportpen shynyǵa alady.
Budan ózge, aýdanda 4 sport mektebi men memlekettik-jekeshelik áriptestigi aıasynda salynǵan «Jas talap», «Er Jánibek» sport klýbtary jáne múmkindigi shekteýli balalarǵa arnalǵan sport mektebi qyzmet kórsetedi. Qazirgi tańda, osy mekemelerde 3631 oqýshy sporttyń 17 túrimen shuǵyldanyp keledi.
