Túlkibas aýdanynda 600 tonnadan astam jańǵaq jınalǵan
TÚRKІSTAN. QazAqparat - Túlkibas aýdany tabıǵaty alma men qatar grek jańǵaǵyn ósirýge óte qolaıly aımaq, dep habarlaıdy Túrkistan oblysy ákiminiń baspasóz qyzmeti.
Grek jańǵaǵynyń paıdasy kóp. Ásirese, fızıkalyq turǵydan álsiregen ýaqytta, qan azaıǵanda, júıke júıesiniń dertterine, sondaı-aq júrek aýrýy men asqazan syrqatyna da paıdaly.
Buryn Túlkibas aýdanynda grek jańǵaǵy úı irgelik jer telimderinde otyrǵyzylyp, ónim alynyp kelgen. 2018 jyly aýdannyń aýylsharýashylyq taýaryn óndirýshileri 257 gektarǵa jańǵaq otyrǵyzǵan. Aýdandyq statıstıka basqarmasynyń resmı málimetine sáıkes, 2018 jyly aýdan kóleminde 627 tonna jańǵaq ónimi jınalǵan.
2019 jyly aýdan aýmaǵynda qosymsha 135 gektar jańǵaq otyrǵyzý josparlanyp otyr. Aldaǵy ýaqytta óziniń táti almasymen tanylǵan Túlkibas óńiri tek alma baý sharýashylyǵyn qolǵa alýdy ǵana emes, sonymen qatar jańǵaq sharýashylyǵyn damytýda aýqymdy jumystar iske asyrylatyn bolady.
