Túlkibas aýdanynda 54 kóshe kúrdeli jáne ortasha jóndeýden ótip jatyr
TÚLKІBAS. QazAqparat – Túrkistan oblysy, Túlkibas aýdanynda bıyl jalpy uzyndyǵy 68 shaqyrymdy quraıtyn 54 jolǵa kúrdeli jáne ortasha jóndeý jumystaryn júrgizý josparlanǵan.
Onyń ishinde «Aýyl – el besigi» jobasy aıasynda jalpy uzyndyǵy 36 shaqyrymdyq 35 kóshe ortasha jáne kúrdeli jóndeýden ótkizilmek, dep habarlaıdy QazAqparat tilshisi.
Aýdan ákimdiginiń málimetinshe, atalmysh joldyń 11,24 shaqyrymy búgingi tańda paıdalanýǵa berilgen. Jalpy jóndeý jumystary aǵymdaǵy jyldyń qyrkúıek-qazan aılarynda tolyq aıaqtalady dep josparlanǵan. Sonymen qatar, aýdanda «Jumyspen qamtýdyń jol kartasy 2020-2021 jyldarǵa arnalǵan baǵdarlamasy» sheńberinde 6 joba iske asýda. Atalǵan baǵdarlama aıasynda 3 mektepte kúrdeli jóndeý jumystary júrgizilip, ınfraqurylym men turǵyn úı-kommýnaldyq sharýashylyqty damytý boıynsha jumystar atqarylýda.
Ártúrli baǵyttaǵy qurylys jumystaryna 133 adam jumyldyrylsa, onyń 70-i aýdan turǵyndary. ıAǵnı, elimizde jarııalanǵan karantın rejımi kezinde ýaqytsha jumyssyz qalǵan aýdan turǵyndaryna tabys tabýǵa múmkindik jasalyp otyr. Osylaısha aýdan turǵyndary qıyn kezeńde memleket tarapynan qoldaýǵa ıe bolyp, rızashylyqtaryn bildirýde.
