Túlekteri jumystan tarshylyq kórmeıtin kásiptik bilim berý oryndary belgili boldy
TANA. 20 qazan. QazAqparat /Jasulan Amanbaıuly/ - Qaladaǵy kolledjderde jáne kásiptik lıtseılerde bilim alǵan túlekterdiń basym bóligi jumystan tarshylyq kórip otyrǵan joq.
Bul týraly búgin Astanada «Kásiptik bilim berý jáne bıznes: áriptester suhbaty» atty II qalalyq forýmynda Astana qalasy Bilim basqarmasynyń bastyǵy Ásıma Bımendına málim etti.
«Qazirgi tańda Astanadaǵy kolledjder men kásiptik lıtseılerde 31702 oqýshy, sonyń ishinde kásiptik lıtseılerde - 2231, kolledjderde - 28 myń 471 adam bilim alýda. 2011 jyly atalmysh mekemelerden 6859 oqýshy túlep shyqty», - deıdi ol.
Qalalyq Bilim basqarmasynyń bastyǵy atap ótkenindeı, qysqa merzim ishinde olardyń deni jumysqa ornalasyp úlgergen.
«Áleýmettik áriptesterdiń bazasynda 3792 túlek jumysqa turdy. Bul shamamen kásiptik bilim ordalaryn támamdaǵan oqýshylardyń 55,2 paıyzy», - dedi Á. Bımendına.
Ol sonymen qatar túlekteri jumystan tarshylyq kórmeıtin kásiptik bilim berý oryndaryn jeke-jeke atap shyqty.
«Qaladaǵy №2, 3 jáne 5 kásiptik lıtseılerdiń túlekteri jumysqa 100 paıyz ornalasqan. Sondaı-aq Kólik jáne kommýnıkatsııa, Polıtehnıkalyq kolledjderdiń, jeke menshik bilim oryndarynyń ishinde «Danalyq» jáne «Lıngvo» kolledjderiniń kórsetkishteri jaman emes», - dep atap ótti Bilim basqarmasynyń basshysy.
