Túlekterge UBT-men qatar halyqaralyq test tapsyrý múmkindigi beriledi — Saıasat Nurbek

ASTANA. KAZINFORM — Elimizde UBT-nyń úlken reformadan ótetin kezeńi keldi. Bul týraly Ǵylym jáne joǵary bilim mınıstri Saıasat Nurbek JJ Studio suhbatynda aıtty.

Mınıstrdiń aıtýynsha, 25 jylǵa jýyq ýaqytta UBT óz maqsatyn atqardy.

— Ulttyq biryńǵaı testileý jemqorlyqty azaıtty, ashyqtyq prıntsıpterin engizdi, birtutas elektrondy júıe qalyptastyrdy. Biraq qazirgi ýaqytta elimizde sheteldik ýnıversıtetter ashylyp jatyr, bizdiń azamattarymyz sol sheteldik JOO-larǵa túskisi keledi. Sondyqtan biz Prezıdenttiń AQSh-qa sapary aıasynda Vashıngtonda ETS dep atalatyn dúnıejúzindegi eń myqty test jasaıtyn kompanııamen úzaq merzimdi kelisimshartqa qol qoıdyq, — dedi Ǵylym mınıstri.

Bul rette UBT formaty bir jylda ózgerip ketpeıdi. Keler 2026 jyly eshbir ózgeris bolmaıdy.

— Bul óte jaýapty joba. Jańa testti jasaqtaýdyń ózi 1-2 jyl ýaqyt alady. Biraq bizdiń maqsatymyz — UBT-men qatar halyqaralyq test jasap, Qazaqstanǵa engizý. ıAǵnı bizdiń talapkerlerde tańdaý bolady: UBT tapsyryp, qazaqstandyq otandyq ýnıversıtetke túse alady nemese jańa testti tapsyrý arqyly Qazaqstanda ashylǵan sheteldik 40 fılıalǵa jáne kez kelgen sheteldik ýnıversıtetke túsý múmkindigi bolady, — dedi Saıasat Nurbek.

Sala mınıstri Qazaqstannyń joǵary bilimin tolyqqandy álemdik standarttarmen sáıkestendirýdi kózdep otyrǵanyn jetkizdi.

— ıAǵnı bizden shyqqan dıplom álemde tanylady, bizde UBT tapsyrǵan adam álemniń ýnıversıtetterine túse alady. Bul óte úlken qadam jáne bizdiń jergilikti ýnıversıtetterimizge de úlken báseke. Buǵan deıin ózimizdiń kishkentaı kólimizde júzip júrdik, endi álemdik muhıtqa tolyq qosylamyz, — dedi S. Nurbek.

Aıta keteıik, Qazaqstanda berilgen dıplomdar Azııa-Tynyq muhıty elderinde tanylatyn boldy. Májilis depýtattary Joǵary bilim berý salasyndaǵy biliktilikti taný týraly Azııa-Tynyq muhıty óńirlik konventsııasyn ratıfıkatsııalady.