Túlekterdiń jumysqa ornalasý kórsetkishi qandaı
ASTANA. KAZINFORM – Mamandyq boıynsha jumys istep júrgen túlekterdiń úlesi qansha. Bul suraqqa Ǵylym jáne joǵary bilim mınıstrliginiń Joǵary jáne joǵary oqý ornynan keıingi bilim komıteti jaýap berdi.
- 2025 jyly (osy jyldyń maýsym aıyndaǵy málimetke sáıkes) oqý oryndaryn bitirgen jas mamandardyń jumysqa ornalasý kórsetkishteri memlekettik bilim berý tapsyrysy boıynsha – 75 paıyzdy, al aqyly negizde 69 paıyzdy qurady. Oqýyn aıaqtaǵan jas mamandarmen túrli is-sharalar, dóńgelek ústel otyrystary, jappaı túsindirý men aqparattandyrý jumystaryn júrgizý barysynda atalǵan kórsetkishterdiń byltyrmen salystyrǵanda artqany baıqalyp otyr, - delingen komıtettiń Kazinform agenttigine bergen jaýabynda.
Buǵan deıin habarlanǵandaı, jaqynda Ǵylym jáne joǵary bilim mınıstri Saıasat Nurbek eldegi ýnıversıtetterdiń aqyly bóliminde oqytý qunyna qatysty pikir aıtty.
Aıta keteıik, qazir jańa oqý jylyna stýdentter kontıngentin qalyptastyrý boıynsha jumystar jalǵasyp jatyr.
