Túlekterdiń qaýipsizdigin qamtamasyz etý maqsatynda kezekshilik uıymdastyryldy - QR BǴM
ASTANA. 25 mamyr. QazAqparat - Búgin Astanadaǵy Oqýshylar saraıynda QR Bilim jáne ǵylym mınıstri Baqytjan Jumaǵulovtyń qatysýymen elorda mektepteriniń daryndy balalary - 2012-2013 oqý jylyndaǵy respýblıkalyq jáne halyqaralyq olımpıadalar men ǵylymı jobalar jarystarynyń júldegerleri men jeńimpazdary úshin «Trıýmf» baly ótedi.
Bul týraly atalǵan vedomstvonyń málimetinde habarlandy.
Atap aıtqanda, 2013 jyly jalpy bilim beretin mektepterdi támamdaıtyn 11-synyp túlekteriniń sany 143 myńnan astam. Ulttyq biryńǵaı testileýge qatysý úshin 99 815 túlek ótinishterin berdi (2012 j. - 117 333). 2012-2013 oqý jylynyń qorytyndysy boıynsha «Altyn belgi» belgisine úmitker 4678 túlek bar (2012 j. - 5840).
Búgingi kúni respýblıka mektepterinde saltanatty jıyndar, merekelik kontsertter, jalpy mektepishilik merekeler, «Aǵash otyrǵyzý» aktsııalary, ashyq esik kúni, mektep bitirýshiler keshteri ótkiziledi. Mektep merekelerine pedagogıkalyq eńbek ardagerleri, ata-analar, demeýshiler, qoǵamdyq uıymdar ókilderi shaqyryldy.
Túlekterdiń ómiri men densaýlyǵynyń qaýipsizdigin qamtamasyz etý maqsatynda pedagogtar men ata-analar qoǵamy, quqyq qorǵaý organdary, órtke qarsy qyzmet ókilderiniń qatysýymen kezekshilik uıymdastyryldy.
