Túlekterdiń 20 paıyzy UBT-da 100-den astam ball jınady - B.Saparbaev (FOTO)
ASTANA. QazAqparat - Túlekterdiń 20 paıyzy UBT-da 100-den astam ball jınady. Bul týraly búgin Premer-Mınıstriniń orynbasary Berdibek Saparbaev málim etti.
"Búgin Ulttyq biryńǵaı testileýdiń 3-shi kúni ótýde. Bıylǵy jylǵy nátıjeler byltyrǵy jylmen salystyrǵanda joǵary. Qazirdiń ózinde túlekterdiń 20 paıyzy 100 balldan joǵary baǵa aldy. Barlyǵy balanyń bilimine baılanysty, eger ol mektepte jaqsy oqyǵan bolsa, testini sátti tapsyra alady. Men búgin barlyǵyna sáttilik tileımin", - dedi ol búgin S.Seıfýllın atyndaǵy QazATÝ-de.
Eske sala keteıik, bıyl Qazaqstanda UBT 2-8 maýsym aralyǵynda ótýde. Oǵan 87 782 túlek qatysýda. Bul mektep bitirgenderdiń 71%.
