Túlekterdi synaq merziminsiz jumysqa qabyldaý normasy joıylmaq

ASTANA. QazAqparat - Qoldanystaǵy Eńbek kodeksinde jumys berýshi JOO jáne kolledj túlekterin jumysqa synaq merziminsiz qabyldaýǵa mindetti degen norma jańa Kodeksten alynyp tastaldy. Bul týraly búgin Astanadaǵy baspasóz máslıhatynda QR Densaýlyq saqtaý jáne áleýmettik damý vıtse-mınıstri Birjan Nurymbetov málim etti.

Atap aıtqanda, búginde jumys berýshi JOO jáne kolledj stýdentterin jumysqa alýǵa aıtarlyqtaı nıet bildirmeýde, sebebi qyzmetke alǵan jaǵdaıda olar synaq merziminsiz birden eki jylǵa qabyldanady.

Kezinde bul norma jastardy eńbekpen qamtýǵa qoldaý jasaý turǵysynan qabyldanǵan edi.

«Osy jaǵdaıda bul norma túlekterdi jumysqa alýdy mindettemeıdi. ıAǵnı, bul norma jastardy qyzmetke alǵannan keıin synaq merzimin bekitpeı, birden eki jylǵa qabyldaýdy kózdeıdi. Árıne, jumys berýshi túlektiń biliktiligine kóz jetkizbegendikten, ony jumysqa alýǵa aıtarlyqtaı nıet bildermeıdi. Bul turǵyda biz teris nátıjeni kórip otyrmyz, jumys berýshi jastardy qyzmetke almaýdy jón kóretini aıqyndaldy», - dedi mınıstrdiń orynbasary.

Onyń sózine qaraǵanda, endi jańa kodekste jumys berýshige bólek azamattarǵa synaq merzimin ornatýǵa tyıym salatyn norma joıylǵan kórinedi.

Jumys berýshige synaqtan ótý merzimin kez kelgen qyzmetker sanatyna qoıý quqyǵy berilip otyr.