Túlekter emtıhan tapsyrýdy bastady - QR QM
ASTANA. 15 maýsym. QazAqparat - QR QM Qurlyq áskerleriniń Áskerı ınstıtýtyn bıyl bitiretin túlekter belderin bekem býyp memlekettik emtıhan (Memlekettik attestatsııa) tapsyrýǵa kiristi,
dep habarlady QR QM baspasóz qyzmeti.
Bıyl atalmysh áskerı oqý ornynyń joǵary kýrs kýrsanttary on úsh mamandyq boıynsha emtıhan tapsyrmaq. Instıtýtty bitiretinderdiń tuńǵysh ret «Áskerı aýdarma isi», «Áskerı aımaqtaný» mamandyqtary boıynsha bilim deńgeıleri (eki shetel tilin bilý arqyly) baǵalanatyn bolady.
Qazaqstan Respýblıkasy Qorǵanys mınıstrligi tarapynan memlekettik attestatsııalyq komıssııanyń tóraǵasy bolyp Qurlyq áskerleri bas qolbasshysynyń orynbasary - jaýyngerlik ázirlik Bas basqarmasynyń bastyǵy general-maıor Qurban Qarajanov bekitildi.
Bolashaq ofıtserler memlekettik emtıhan tapsyrý kezinde joǵary nátıjelerge qol jetkizýde. Búginge deıin bes memlekettik emtıhannyń tórteýi tapsyryldy. Ortasha ball 4,6 qurap otyr. Joǵary nátıje 5,0 ball. Oǵan 3-shi rotanyń 1-shi vzvodynyń jeke quramy (dene tárbıesi páninen) jáne 13-shi rotanyń 1 vzvody (aǵylshyn tilinen aýyzsha jáne jazbasha tapsyrýdan) qol jetkizdi.
Qurlyq áskerleri Áskerı ınstıtýtyn bitirgendigi týraly dıplomdar tapsyrý saltanaty 25 maýsymda bolady.
