Týlada 11 jyl buryn «qaıtys bolǵan» áıel tiri bolyp shyqty
ASTANA. QazAqparat - Týlada turatyn áıeldiń ІІM bazasynda qaıtys bolǵan retinde tirkelgeni kútpegen jerden anyqtaldy, dep habarlady Planeta.rý.
Máskeýlik týrıst Týlada skver mańynda serýendep júrip, eresek adamnyń qaraýynsyz bir balanyń uıyqtap jatqanyn baıqaıdy. Ol birden polıtsııa bólimshesine habarlasty. Birden jetken quqyq qorǵaý organdarynyń qyzmetkerleri shynymen uıyqtap jatqan balanyń ústinen túsken. Biraz ýaqyttan keıin eki bala ertken áıel kelip, balanyń anasy ekenin málimdedi. Ol bala sharshaǵanyn, al ózine dúkenge kirý qajet bolǵanyn, sol úshin jalǵyz qaldyryp ketýge týra kelgenin aıtty. Qujat kórset degende, ol tek balalardyń týý týraly kýáligin kórsetken. Tekserý barysynda ol 11 jyl buryn qaza tapty dep tirkelgeni anyqtaldy.
Ol Vologdada turyp kelgen, alaıda 13 jasynda ata-anasymen ursysyp qalyp, 1992 jyly úıinen ketip qalǵan. Sodan beri izdeýde bolǵan. 2005 jyly sot sheshimimen qaza tapty dep tanylǵan. 25 jyl ony kórmegen anasy birden Týlaǵa kelip, qyzymen jolyqqan. Qazir qujatty qalpyna keltirip, balalarǵa kómektesý máselesi sheshilýde.
