TÚQJB sharshy metri 120 000 teńgeni quraıtyn páterlerdi úlestirmek
ASTANA. QazAqparat - «Turǵyn úı qurylys jınaq banki» AQ basqarmasynyń tóraǵasy Lıazzat Ibragımova jáne Batys Qazaqstan oblysynyń ákimi Altaı Kólginov «Nurly jer» baǵdarlamasy aıasynda yntymaqtastyq týraly memorandýmǵa qol qoıdy, dep habarlaıdy banktiń baspasóz qyzmeti.
Endi jeke turǵyn úıler baǵdarlama aıasynda sharshy metrine 120 000 teńge kólemindegi baǵamen ótkiziletin bolady. Ol úılerdi jekemenshik qurylys salýshylar salady. Turǵyn úı qurylysyn salýshylar memleketten 7%-ben alatyn kredıt boıynsha kómekqarjynyń arqasynda qurylystyń baǵasy tómendetildi.
Bul óńirdegi jer telimin alý úshin kezekte turǵan adamdar sany - 100 000 qataryn quraıdy. Olar úshin alǵashqy tıptik kottedjderdi Fedorovka, Toqpaı, Peremetnoe ı Darınsk aýyldarynda salý josparlanyp otyr. Jalpy aıtqanda, 1 700 kezekte turǵandar jer telimin daıyn úıimen birge alatyn bolady. Al, ol úılerdi satyp alýda olarǵa, árıne, Turǵyn úı qurylys jınaq banki jyldyq 5 %-ben qoljetimdi qaryz bere otyryp, kómektesedi.
Sonymen qatar, Oral qalasynda «Nurly jol» baǵdarlamasy aıasynda 7 kóppáterli turǵyn úı salynyp bitti. Onyń 504-páterden turatyn úsheýi «Báıterek development» jelisi boıynsha salynǵan. Qazir 144 páter ıesi Lıazzat Ibragımovanyń óz qolynan páter kiltterin aldy.
«Men bank salymshylaryna ótkiziletin turǵyn úılerdiń baǵasyn jergilikti qurylys salýshylarmen talqylaý úshin BQO-ǵa ádeıi keldim, QTQJB-nyń ustanatyn baǵasy - turǵyn úıdiń sharshy metriniń baǵasy 140 000 teńgeden aspaýy tıis» - dedi basqarma tóraǵasy.
