TÚQJB basshysy baspana alýdyń joldary týraly keńes berdi
Onyń aıtýynsha, bankte turǵyn úı salasyndaǵy táýekelder taldanǵan. Soǵan sáıkes dollar satyp alýmen áýestengender sońǵy ýaqytta utylyp júr.
«Turǵynúıqurylysjınaq banki» AQ depozıtteriniń basty jetistigi - nesıeniń teńgemen beriletindiginde. Adamdar qazir jyljymaıtyn múlik úshin teńgemen eseptesip jatyr. 2015 jyldan beri barlyq baǵalar teńgemen belgilengen», - dedi Lázzat Ibragımova Almatyda jýrnalıstermen kezdesýde.
Onyń aıtýynsha, qazir rekordty kólemde baspana salynyp jatyr.
Byltyr 12,5 mln sharshy metr paıdalanýǵa berilse, 2006-2007 jyldary bul kórsetkish 5-6 mln sharshy metr ǵana bolǵan edi.
«Turǵyn úı qory artyp keledi. Naryqta usynys kóbeıse, baǵanyń túsetini zańdylyq. Qazir qaıtalama naryqta kórip otyrǵanymyzdaı, baǵa tómendedi. Jastar óz qalaýyndaǵy páter alǵysy kelse, aqsha jınaýǵa keńes berer edim. Sebebi naryqta usynys kóbeıedi», - dedi ol.
