Tuqym sýbsıdııasyna qosymsha 4,6 mlrd teńge bólinýi múmkin

NUR-SULTAN. QazAqparat – Aýyl sharýashylyǵy mınıstrligi Májilis ókilderiniń tuqym sharýashylyǵyndaǵy problemalar týraly depýtattyq saýalyna jaýap berdi, dep habarlaıdy QazAqparat tilshisi.

Mınıstrdiń birinshi orynbasary Aıdarbek Saparovtyń atynan joldanǵan jaýapta tuqym sharýashylyǵyn damytýǵa beriletin qarjy Ulttyq agrarlyq ǵylymı-bilim berý ortalyǵynyń jarǵylyq kapıtalyn ulǵaıtý arqyly bólinetini aıtylǵan.

«2020 jyly oblystardyń jergilikti bıýdjetterinde tuqym sharýashylyǵyn damytýdy sýbsıdııalaýǵa 11,4 mlrd. teńge kózdelgen. 2020 jylǵy respýblıkalyq bıýdjetti naqtylaý sheńberinde osy sýbsıdııalaý baǵytyna qosymsha 2,6 mlrd. teńge bólindi. Bul 125,5 myń tonna tuqymdy, onyń ishinde 233 mln. teńgege 2,5 myń tonna biregeı tuqymdardy sýbsıdııalaýǵa múmkindik berdi», - dedi vıtse-mınıstr óz jaýabynda.

Aıdarbek Saparov bıyl bul maqsatqa jumsalatyn qarjy kólemin 1,6 ese ulǵaıtý kózdelip otyrǵanyn aıtady.

«2021 jyly oblystardyń jergilikti bıýdjetterinde tuqym sharýashylyǵyn damytýdy sýbsıdııalaýǵa 11,8 mlrd. teńge, onyń ishinde biregeı tuqymdardy sýbsıdııalaýǵa 212 mln. teńge kózdelgen.

«Aýyl sharýashylyǵy mınıstrligi Qarjy mınıstrligine respýblıkalyq bıýdjetten tuqym sharýashylyǵyn damytýdy sýbsıdııalaýǵa 4,7 mlrd. teńge, onyń ishinde biregeı tuqymdardy sýbsıdııalaýǵa 157 mln. teńge kóleminde qosymsha bıýdjettik ótinim jiberdi. Osylaısha, respýblıka boıynsha biregeı tuqymdardy sýbsıdııalaýdy qarjylandyrýdy 1,6 esege ulǵaıtý kózdelip otyr», - delingen vedomstvonyń jaýabynda.