Tuqym sharýashylyǵyn sýbsıdııalaý qandaı nátıje beredi
«Sýbsıdııalaý shyn máninde oń nátıje beredi. Birinshiden, sharýashylyqtardy sapaly tuqymmen qamtamasyz etýdi arttyrýǵa múmkindik beredi. Ekinshiden, sýbsıdııa tóleý esebinen tuqymdarǵa suranys qalyptasady, bul tuqym óndirýshilerdi yntalandyrady», - delingen mınıstrliktiń QazAqparat agenttigine bergen jaýabynda.
2015 jyldan bastap 2021 jylǵa deıin tuqym sharýashylyǵyn damytýǵa arnalǵan bıýdjettik sýbsıdııalar kólemi 1,9 mlrd teńgeden 14,6 mlrd teńgege deıin nemese 7,7 ese ósti. Tuqym sharýashylyǵyn damytýǵa sýbsıdııa alǵan sharýashylyqtardy qamtý 3 esege artty (2015 jylǵy 1975 AShTÓ-den 2021 jyly 5905 AShTÓ-ge deıin).
«Tómen ónimdi tuqymdardy paıdalaný kólemi 4 ese azaıdy (311,2 myń tonnadan 76,1 myń tonnaǵa deıin). Otandyq tuqym óndirýshilerdiń materıaldyq-tehnıkalyq bazasyn zamanaýı tehnıkamen jańǵyrtý úshin 2019 jyldan bastap ınvestıtsııalyq sýbsıdııalaý aıasynda arnaıy tehnıkany sýbsıdııalaý engizildi», - dep atalyp ótken vedomstvo málimetinde.
Qazaqstan Respýblıkasynyń agroónerkásiptik keshenin damytýdyń 2021-2030 jyldarǵa arnalǵan tujyrymdamasyn iske asyrý jónindegi is-qımyl josparyna Qazaqstannyń tuqym óndirisiniń áleýetin arttyrýǵa múmkindik beretin is-sharalar engizilgen.
Budan buryn habarlanǵandaı, kelesi jyldan bastap damyǵan elderdiń tájirıbesi boıynsha tsıfrlyq formatta orıgınatorlardan bastap taýar sharýashylyqtaryna deıin joǵary reprodýktsııaly tuqymdardyń jyljýyn qadaǵalaýǵa múmkindik beretin jańa aqparattyq júıe engiziletin bolady.
Bıyl Úkimettiń keńeıtilgen otyrysynda Prezıdent aýyl sharýashylyǵy daqyldarynyń tuqymyn elimizde qamtamasyz etýge, sondaı-aq olardyń sapasyna qatysty erekshe toqtaldy.
