Tuqym sharýashylyǵyn qoldaýǵa 11,8 mlrd teńge bólinedi

NUR-SULTAN. QazAqparat – Bıyl alqaptarǵa sebilgen tuqymnyń 92 paıyzy birinshi jáne ekinshi klasty bolǵan. Úkimet otyrysynda QR Aýyl sharýashlyǵy mınıstri Erbol Qarashókeev osyndaı málimet berdi, dep habarlaıdy QazAqparat tilshisi.

«Bıyl kóktemgi egis jumystaryn júrgizýge 400,2 myń tonna kóleminde dızel otyny bólindi. Bul ótken jylmen salystyrǵanda 20 myń tonnaǵa artyq.

Jetkizý, saqtaý jáne ótkizý boıynsha oblys operatorlarynyń shyǵystaryn eskere otyryp, aýyl sharýashylyǵy taýaryn óndirýshiler úshin ortasha baǵa lıtrine 200 teńgeni qurady. Bul ortasha alǵanda 15%-ǵa arzan.

7 maýsymdaǵy jaǵdaı boıynsha jospardaǵy 400,2 myń tonna dızeldiń 378,5 myń tonnasyna nemese aqsha tólenip, 359 myń tonna jóneltildi. Jalpy janarmaı bekitilgen kestege sáıkes jetkiziledi», - dedi Erbol Qarashókeev.

Sondaı-aq, bıyl sebilgen tuqymnyń sapasy týraly málimet berdi.

«Tuqym tapshylyǵy onyń ishinde reseılik selektsııa boıynsha baıqalmady. Zańnamada qarastyrylǵan tuqym saraptamasy júrgizildi. Onyń qorytyndysy boıynsha onyń 99%-y kondıtsııaly dep tanyldy. Al 92%-y sebý standartynyń 1 jáne 2-synybyna sáıkes keledi. Jalpy, tuqym sharýashylyǵyn qoldaýǵa bıyl jergilikti bıýdjetterde 11,8 mlrd teńge qarastyrylǵan», - dedi vedomstvo basshysy.

Mınıstrliktiń boljamy boıynsha, bıyl astyq shyǵymy byltyrǵydan 15 paıyz joǵary bolady.