TÚKSh qarjysynyń keminde 10 paıyzy qaıda jumsalatynyn qoǵamnyń ózi aıqyndaıdy

NUR-SULTAN. QazAqparat – Salyq túsimin óńirlerdiń ózine berý jumysyn jalǵastyrý qajet. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy QazAqparat tilshisi.

«Biz salyq túsimin óńirlerdiń ózine bere bastadyq. Bul jumysty jalǵastyrý qajet. «Halyq qatysatyn bıýdjet» jobasy tıimdi iske asyrylyp jatyr. Onyń aýqymyn keńeıtip, jobaǵa aýdandyq mańyzy bar qalalar men aýyldardy tartý kerek. Turǵyn-úı kommýnaldyq sharýashylyǵy qarjysynyń keminde 10 paıyzy qaıda jumsalatynyn qoǵamnyń ózi aıqyndaýǵa tıis», - dedi Memleket basshysy.

«Osy aıtylǵan máselelerdi tıimdi júzege asyrý úshin jańa Bıýdjet kodeksin qabyldaý qajet», - dedi Prezıdent.

Budan buryn habarlanǵandaı, Qasym-Jomart Toqaev Qazaqstanda áıelderdiń zeınetke shyǵýy 61 jas deńgeıinde bekitiletinin aıtty.